A zona das ánimas converteuse nun espazo urbano mal resolto. A actual zona verde cercada polo tráfico carece de uso público, o funcionar como rotonda. O acceso ó Castelo de Santo Antón resulta perigoso e sobredimensionado, e existen demasiados carrís de circulación. Proponse a simplificación do mesmo, creando unha rotonda que comunique a saída do tunel, o acceso a Santo Antón, o Paseo marítimo e a subida polo Paseo do Parrote. Esta redistribución permitiría unha maior separación da porta da muralla e o tráfico, ampliando a zona verde perimetral á mesma. A supresión da zona da marquesina do tranvía sen uso actual, unha reordenación das prazas de aparcamento lindando cos terrenos da Solana e unha reducción significativa dos trenzados e m2 destinados a asfalto. 

Ademais, poderíase plantexar a creación dunha lámina de auga en contacto coa muralla defensiva e a porta da cidade, contextualizando históricamente o espazo e recuperando a cota orixinal. 

Os Locais de Ensaio do Concello levan sendo un éxito dende a sua formación. Ofrecen a mocidade espazos e equipamento de balde (e non son baratos precisamente conseguilos doutra forma) para que poidan ensaiar música e grabar maquetas, facendo unha aposta dobre pola cultura musical da cidade e por proporcionar alternativas de ocio a xuventude. Alén diso, compleméntase con concertos onde os grupos dos locais poden tocar para os seus veciños (sexan con fins benéficos ou en eventos do concello como as carreiras populares) e incluso masterclasses impartidas por profesionais. O seu éxito demóstrase na cantidade de solicitudes que chegan para poder formar parte do programa. Esta proposta de investimento o que propón e destiñar diñeiro para amplia-lo proxecto. Poderíanse habilitar máis salas con equipamento (non necesariamente no Coliseum, poderíanse adecentar outros espazos sen uso do Concello), poderíanse ampliar os horarios, ampliar a posibilidad de aceptar no programa a maiores de 30 anos (ainda que fora pagando una cantidade solidaria para o mantemento do equipamento), máis masterclasses, programación en colaboración coas salas da cidade de grupos dos locais e incluso fomentar un sistema de "combos" similar ao das Academias de Música onde se xunta xente que toca distintos instrumentos pola súa conta para tocar xuntos dirixidos por un profesor, o que tamén crearía postos de traballo. O obxectivo e conseguir que calquera persoa que toque un instrumento ou queira montar un grupo poida facelo e deste manera alimentar e facer crecer o tecido e a cultura musical da cidade.  

Para visibilizar a escasa distancia e tempo a empregar para percorridos a pé e en bici ou VMP na cidade da Coruña, dende Mobi-liza propoñemos o sistema metrominuto como o existente en cidades como Pontevedra. A proposta inclúe a colocación de paneis informativos lexibles en diferentes puntos da cidade que amosen o mapa co metrominuto. Entendemos imprescindible que estes paneis cumpran unha serie de requisitos para ser inclusivos e lexibles, tales como: altura para diferentes persoas (nenos, persoas en cadeira de rodas, etc.), tamaño de letra lexible, fonte de letra simple, linguaxe visual clara, mapas que se poidan entender universalmente, etc. Deste xeito, cremos que se incentivarían os desprazamentos a pé e en bici, xa que se demostraría que o tempo a empregar é moi pouco, desmitificando a distancia.