A Porta Aberta

Preguntas frecuentes e solucións a problemas técnicos (FAQ)

Presentámosche unha lista das solucións aos problemas e dúbidas técnicas máis frecuentes da Plataforma A Porta Aberta. Se isto non resolve o teu problema, podes chamar ao 010 ou achegarte a calquera das oito bibliotecas municipais da Coruña ou no CMIX situado no Fórum Metropolitano.

Non me funciona a verificación de residencia.

Comproba as seguintes posibilidades:

  • Puxeches o DNI ou documento con todos os caracteres xuntos, incluíndo a letra ao final?
  • Tes a seguridade de estar empadroado/a no municipio da Coruña?
  • Pode que haxa algún problema no rexistro de empadroamento cos teus datos. Podes chamar ao 010 para informarte de como e onde podes verificar se estás correctamente empadroado/a.

Non estou empadroado/a na Coruña, por que non podo participar?

A realización, priorización e votación de propostas están limitadas á xente empadroada na Coruña, xa que se trata de tomar decisións que afectarán ao municipio e aos veciños e ás veciñas que viven nel, e por tanto parécenos que son eles e elas quen teñen que tomar a decisión final. É certo que hai persoas que non están empadroadas na Coruña e que aínda así lles poden afectar esas decisións, pero o Padrón é o censo máis amplo do que dispoñemos que nos permite que o proceso de participación sexa seguro e cheguemos ao máximo posible de persoas.

Para que serve verificar a miña conta? Que é o código de persoa usuaria?

Para usar a web necesitamos unha conta de persoa usuaria, que dará acceso á plataforma, unha vez sexa verificada. Para iso é necesario introducir os seguintes datos: nome e apelidos, data de nacemento, DNI, código postal e un correo electrónico. O sistema verificará todos os datos facilitados e comprobará que a persoa usuaria está empadroada na Coruña e que non existe ningunha conta previa validada co DNI indicado, enviando entón ao correo electrónico facilitado unha ligazón que se deberá premer para activar a conta. A partir de entón serás posible participar en todas as fases do proceso:

Achegar propostas

Priorizar propostas

Votar a proposta

Necesito teléfono móbil ou acceso a Internet para poder participar?

Non. Todas as accións relacionadas coas propostas, tanto crealas, como priorizalas, votalas ou informarnos sobre elas, é algo que podemos facer a través da plataforma web directamente ou se precisamos apoio podemos facelo presencialmente en calquera das oito bibliotecas municipais da cidade e no CMIX situado no Forum Metropolitano onde nos prestarán o apoio necesario.

Como creo e verifico a miña conta?

  • Para iso prememos na ligazón Rexistrarse e cubrimos os datos que nos piden. É un requisito marcar o cadro de aceptación das condicións de uso, e encher correctamente o captcha (na parte inferior do formulario preséntasenos unha imaxe cunhas letras deformadas que teremos que introducir no cadro inferior como medida de seguridade; ten en conta a diferenza entre maiúsculas e minúsculas). Ao crear unha conta chegaranos un correo electrónico ao enderezo que teñamos especificado, e teremos que premer na ligazón que contén (a ligazón que pon "Confirmar a miña conta") para terminar de crear a conta
  • Unha vez creada a conta, e tras entrar co noso correo e contrasinal, o sistema daranos a opción de realizar unha verificación básica dela. Prememos na ligazón "A miña conta" da parte superior dereita, e logo no botón "Verificar a miña conta". O primeiro que se nos pedirá é que introduzamos os nosos datos de residencia, para verificar que estamos empadroados no municipio da Coruña (é importante introducir o número de documento coa letra; e marcar o cadro de aceptación de acceso ao Padrón).

Como lle podo enviar unha proposta ao Concello? Pódovos mandar directamente a miña proposta a algún dos correos electrónico que aparecen na web de participación?

Non. O camiño correcto para facer unha proposta é engadila directamente na plataforma de Orzamentos Participativos A Porta Aberta dentro da sección "Propostas" (para iso é necesario primeiro crear unha conta premendo na ligazón Rexistrarse, e unha vez creada, premer no botón "Crear proposta" da sección "Propostas"). No caso de que o que queremos presentar sexa unha suxestión ou reclamación, a información para presentalas atópase nesta páxina

Hai moitas propostas parecidas, non se poderían unificar?

Sobre a posibilidade de unificar propostas, o que poden parecer pequenas diferenzas entre dúas propostas similares, poden marcar grandes diferenzas á hora de facelas realidade. Por iso hai persoas que poden querer apoiar unha delas e non outras. É por iso que debemos respectar os apoios particulares que teña dado a xente, e non unificar as propostas. Isto é independente de que as persoas autoras das propostas queiran unilas. Unha vez as propostas están a recibir apoios pasan a ser tanto de quen as vota como de quen realizou a achega inicialmente.

Esquecín o meu contrasinal ou non me funciona, que podo facer?

  • Podes facer solicitar un novo contrasinal para que se che envíe un novo contrasinal ao teu correo electrónico.
  • Se a anterior solución non funciona, pódeste achegar a calquera das oito bibliotecas municipais da Coruña e ao CMIX, onde intentarán axudarche.

Non consigo crear a miña conta correctamente.

Como podo cambiar o meu correo electrónico, o meu nome de persoa usuaria, o meu contrasinal, darme de baixa ou activar/desactivar as notificacións que me chegan ao correo electrónico?

Preme na ligazón "Entrar", introduce o teu correo electrónico e o teu contrasinal, e pulsa o botón "Entrar". Unha vez feito isto, preme na ligazón "A miña conta" onde atoparás todas as opcións que che permitirán cambiar o teu correo electrónico, nome da persoa usuaria, contrasinal, darte de baixa ou activar/desactivar as notificacións. Unha vez realizado o cambio adecuado asegúrate de premer no botón "Gardar cambios".