Propoño unha mellora da contorna das pistas situadas na C/ Estocolmo na Zapateira coa instalación de xogos infantís tanto na parte alta como na baixa para todas as idades e tratar así de crear un punto de encontro único e de socialización de todos os nenos e nenas do barrio a modo de praza como no resto de barrios.

Actualmente a  urbanización de Valaire ten falta dun espazo seguro con zona de xogos grande e ben acondicionada.Só hai pequenas praciñas con xogos moi deteriorados e para idades moi curtas e moi afastados uns doutros que non favorecen nada as actividades ao aire libre entre a xente nova.

Mellorar a zona axardinada existente tralos contedores soterrados da rúa Barreira (no cruzamento coa Estreita de San Andrés).

Aproveitar a medianeira que colinda con esta parcela para a creación dun xardín vertical nunha zona cun urbanismo duro.

Xa está ben de desperdiciar monumentos! Temos que poñer en valor todo o que temos, e o Millenium non é un bo exemplo (como moitos outros). Xa é hora de mudar as luminarias que ten no seu interior por unhas con tecnoloxía led, para así poder iluminar este fermoso monumento pola noite e que non fique a escuras como sempre, cousa que dá moi mala imaxe á cidade... (Tamén cómpre facer algo cos terreos baleiros que hai diante).

Dotar de fontes (arranxar as existentes, a maioría non funcionan) e baños públicos os parques da cidade, así como as zonas máis céntricas/turísticas.