Aumentar ou crear unha nova zona de xogos infantis para nenos que comprenda unha horquilla mayor de idades. Por exemplo con pirámides de escalada, castelos con tobogáns en espiral, ...

Dende a apertura da eco-horta urbana de Eirís, “Leira das Freces”, no verán de 2018, as persoas usuarias da mesma, e a asociación que constituiron posteriormente, teñen solicitado reiteradamente á Concellaría de Medioambiente a instalación dun baño no entorno da horta.

A solicitude é principalmente para uso das persoas usuarias das hortas, aínda que tamén daría servizo a unha parte importante do Parque de Eirís, á zona de skate-park, e á do canil, polo que a

instalación sería ben recibida no espazo próximo ás hortas, chan e accesible para os equipos de mantemento.

É unha zona de difícil acceso, por estar no medio dunha importante pendente que ademais esvara, sen varanda nin punto de apoio nin descanso, e a idade media das persoas que as cultivan é elevada, polo que resulta máis complicado subir a pendente. O factor da idade fai que a frecuencia na necesidade de uso do baño sexa maior, e fai que teñan que saír buscar un bar cada 2 horas, co gasto que supón. Máis complicado aínda no caso das mulleres, que en caso de apuro non teñen máis opción que subir ata a praza de Pablo Iglesias, que é onde se atopa o primeiro local con aseo de acceso público (un bar). E lembremos que o factor da idade e/ou incapacidades era tido en conta nas solicitudes (pensionistas).

Quixeramos sinalar tamén que hai un agravio comparativo con respecto ás usuarias das hortas do Ágora, por exemplo, que teñen a menos de 15 metros un edificio público con acceso aberto a un

aseo público. Sin esquecer que a localización exacta das hortas foi decisión do Concello, polo

que debe tentar paliar o máis posible as consecuencias da mala accesibilidade das mesmas.

Aseos que foron solicitados en Xullo pola AAVV de Eirís, pero tamén polas do Castrillón, Os Castros e Monelos, zonas de procedencia da maioría das persoas usuarias das hortas.

Que se instale urxentemente un aseo nas inmediacións das hortas municipáis de Eirís,

en coordinación coas usuarias da mesma directamente ou a través da súa asociación veciñal.

O parque de Eirís e o Centro Cívico do barrio son seguramente os equipamentos con máis usuarios do barrio. A comunicación peonil entre eles podería mellorar notablemente coa execución dun paso de peóns elevado na outra marxe da rotonda da Avenida Lamadosa, dando unha conexión directa, sinxela e accesible aos máis maiores e aos máis pequenos.

O chamado "Castelo de Eirís" ou "Forte de Valparaíso", cenario dos principais fitos historicos desta cidade dende época romana, leva esmorecendo moitos anos. Cada ano os muros son máis baixos, e ata hai nada había a diario xente xogando a trepar por eles, aumentando o deterioro. 

Na imaxe podese ver que a falta de protección e de posta en valor facilita o mal uso e destrucción do mesmo.

A última campaña arqueolóxica descubriu que todas as dovelas do arco de acceso están en perfecto estado, e o Concello ten moitas das pedras que faltan na súa custodia. Van varios amagos de conservación, que de pouco serve xa que o abandono posterior desfai o traballo, convertindo a inversión en gasto.

Entendemos necesario abordar dunha vez a restauración e protección definitiva da insigne construción. Tamén é preciso un control social ca finalidade de minimizar a degradación e levar a cabo labores de interpretación: pola súa proximidade ó Camiño Inglés e polo valor material e inmaterial deste fito historico.

A súa interacción na paisaxe urbana pode potenciarse ca iluminación nocturna aproveitando de novo este recurso como elemento de apoio de control e para distintas visitas guiadas nocturnas.

A parte de atrás do barrio de Pedralonga, onde se ubica o antigüo lavadoiro, é un erial sen orde nin concerto. Cheo de maleza a meirande parte do ano e, a pouco que se mire, cun gran potencial para a creación dunha zona de paseo que comunique Pedralonga e Eirís coa estrada de As Xubias (zona Materno Infantil-Sta María del Mar) e sirva, ao tempo, de área de esparexemento. 

O proxecto debería incluir a posta en funcionamento dun carril bici que comunique co que xa existe na Avenida da Pasaxe. 

Mellorarían os equipamentos e facilitaría, ao tempo, a mobilidade deste barrio tan alonxado e deficientemente comunicado.