As conexións existentes entre a ronda de Outeiro e a rúa Caballeros son todas mediante escaleiras, o que ocasiona dificultades de accesibilidade ou longos desprazamentos. Ademáis, é unha zona de importantes conexións peonís pola proximidade das estacións de tren e autobus, a delegación da Xunta de Galicia ou o colexio San Francisco Xabier. A conexión peonil accesible poderíase lograr cun investimento reducido debido á escasa diferenza de cota entre as dúas vías indicadas nas proximidades da rúa Brasil.

Propoño a creación dunha aula de estudio municipal con horarios amplios e flexibles nalgunha das instalacións municipais existentes no centro. Actualmente existen duás aulas de estudio na cidade que pertencen a UDC, o CUR (Empresas) e o edificio Xoana Capdevielle. 

Este servizo ven a cumplimentar unha necesidade para as persoas non universitarias ( estudantes de FP, opositores, estudantes bacharelato etc,) que en épocas de exames da UDC non poden acceder as súas aulas de estudio xa que se precisa carnet universitario.

É certo que existen postos nas bibliotecas municipais, pero éstas non son un sitio ideal para os estudantes debido ao nivel de ruido existente. As propias bibliotecas se definen como "espazos abertos" nas que se poden realizar multiples actividades. Ademáis os postos soen ser insuficientes.

Un dos simbolos históricos de Eirís, xunto co Castelo, ou Fortaleza de Valparaiso, é a Fonte dos Caños. 

Fonte moi antiga, e de auga moi sabedora, que durante anos suministrou de auga potable a xente de boa parte da cidade, que se achegaba a recollela en garrafas. Corría todo o ano.

A partires do 1992, cando nos instalaron o alcantarillado en Eirís de Abaixo, e o posterior asfaltado do camiño que pasa pegado a ela, foi perdendo forza... e auga. 

E dende o inicio das obras do Parque Ofimático, está afogada entre restos de obra e unha beirarúa. 

Como fonte antiga, fermosa, e catalogada, solicitamos ó Concello que rehabilite a Fonte dos Caños e o seu entorno, devolvéndolle o seu valor histórico e devolvéndonos á veciñanza un espazo tan querido. 

Nos cruces por onde vai o carril bici, como o da Casa do Mar, a circulación das bicis é complexa e insegura, e pódese mellorar con propostas coma esta: https://vimeo.com/86721046 , que xa se aplican en varias cidades. Hai varios cruces semellantes na cidade que poderían usar este sistema, como o citado da casa do Mar ou o de Ramón y Cajal con Avda. de Oza, entroutros.

No lugar de Cances existen zonas moi oscuras ou en penumbra que contribúen á inseguridade cidadá pola tendencia a presenza de comportamentos incívicos e delictivos. Para evitar este comportamentos e incrementar a seguridade cidadá pódense instalar puntos de luz con boa intensidade lumínica e empregando luces respetuosas ambientalmente. Concretamente, sería precisa iluminación entre a fonte e o número 45 do lugar de Cances (zona moi cuberta por eucaliptos e moi oscura), colocar un punto de luz pegado ao muro do número 28 e antes do número 11.