Actualmente os arcados de riazor atópanse baleiros e sen uso, dando unha imaxe lamentable. Proponse a súa adecuación ben para fins municipais (centro cívico), ben para outros usos sociais como locais pop-up para emprendedores.

A nosa cidade ten unha gran canteira de profesionais da ilustración, e tódolos anos convértese na sede do célebre "Viñetas dende o Atlántico", unha xoia de salón do comic.

Proponse a creación dun museo do comic e banda deseñada, que non so recorde este vínculo de unión da creatividade coa mesma, senon que ademais sirva de empurre e apoio aos profesionais galegos e nacionais neste sector, permitindo dar a coñecer as súas obras mais aló das librarías e bibliotecas municipais. 

Algúns dos módulos deste museo científico da cidade continúan invariables dende a súa inauguración e nun estado de deterioro evidente. Proponse a renovación de parte dos mesmos para a posta en valor do museo, nunha rede de museos municipais que supuxo un referente a nivel estatal.

Tamén considero interesante o cambio de Casa do home a Casa da humanidade (mantendo o termo DOMUS)

Ante o predominio da monotonía e limitacións derivadas duns anticuados deseño e planificación paisaxística, surxe a necesidade da posta en valor e renaturalización da cidade e especialmente dos parques. Para levalo a cabo sería imprescindible a reintroducción de polinizadores entre outros seres vivos. Polo que se considera oportuno apostar por un aumento da biodiversidade da flora con espazos mono e multiflorais, especialmente optar por zonas de pradeiras autóctonas e, por outra banda, colocar elementos tales como troncos de árbores mortas e outras pezas de madeira, hoteis de insectos, simulación de valados tradicionais e sebes, etc. Ademais isto pódese complementar con paneis educativos que enfaticen estas actuacións e expliquen a súa importancia. 

Noutros países xa se están en marcha propostas similares, a que esperar?