As árbores na contorna urbana resultan un elemento imprescindible para a loita ante o cambio climático. Mais tamén son un elemento que garante a calidade de vida e o benestar. Ao tratarse de desprazamentos a pé, en bici ou VMP aportan unha maior agradabilidade, aportando sombra nos días de calor e protección ante a chuvia, entre outras. 

Dende Mobi-liza cremos que as sendas peonís e ciclables deben contar con vexetación nas súas proximidades. Por iso, propoñemos que a senda ciclable e peonil que une o Parque de San Diego coa Avenida da Pasaxe conte con arboreda nas súas marxes (ou cando menos, nunha delas).

Os semáforos existentes na rotonda da Pasaxe son totalmente prexudiciais para o peón, en tanto que tardan infinitamente en poñerse en verde pese a ser solicitados. En Mobi-liza non somos nada partidarias da presenza de semáforos que deban ser solicitados polo peón (pois deberian ser solicitados polos coches, mentres que o peón debe ser a principal prioridade); pero xa de existir, cremos que deben ser practicamente instatáneos. Polo tanto, propoñemos que na rotonda da pasaxe sexan colocados uns semáforos como os existentes en Salgado Torres (á altura da parada Salgado Torres-Túnel) por dous motivos: non son de pulsar, senón de pasar a man por diante; e son practicamente instantáneos.

Proposta de inversión na creación dun complexo polideportivo na área da fábrica de Armas nun espacio que xa ten usos deportivos. Esta poderá ser un importante equipamento para toda a contorna (Pedralonga, Eirís, Palavea, Santa Xema, etc.). A inversión terá que ter en conta esta cuestión e ofertar unha amplio servicio de instalacións e servizos (piscinas, saunas, salas de actividade, ximnasio, etc.).

Durante o verán a Torre de Hércules ofreceu visitas nocturnas de forma puntual nos meses de xullo e agosto. Estas visitas tiñan un aforo moi limitado sendo moi complicado conseguir acceder a elas. Sería convinte que estas visitas estivesen dispoñibles durante todo o ano para que a xente poida coñecer os segredos do noso monumento máis recoñecible durante todo o ano.

Actualmente o Paseo do Parrote  é unha vía que viu reducido o seu uso trala peonilización da Mariña, polo que as suas seccións de viais atópanse sobredimensionadas entre a Mariña e o cruce co paseo Sir John Moore. Ademais, os materiais empregados nalgunhas das beirarrúas atópanse moi deteriorados. Proponse a creación dunha vía de preferencia peonil (30km/h coa posibilidade de utilización de plataforma única), humanización da mesma coa implantación de mobiliario urbán e vexetación, así coma unha redefinición do cruce na zona do Hospital, garantindo un ancho mínimo legal de beirarrúa.  Poderíase estudar a opción de remarcar no pavemento a ubicación da antiga prisión, así como o trazado das murallas que transcurre baixo a rúa.

No caso de que a área de intervención exceda o orzamento máximo de intervención, pódese limitar dita intervención a área máxima que abarque segundo o límite orzamentario.

Co incremento dos prezos da energía eléctrica, e as consencuencias económicas e políticas da excesiva dependenza dos combustibles fósiles, o investimento e a diversificación nas alternativas renovabeis estase consolidando.

Polas súas carácterísticas, A Coruña podería cubrir parcialmente a súa demanda de enerxía eléctrica mediante o aproveitamento da enerxía das ondas (undimotriz). Outras cidades do norte, coma é o caso de Santander, teñen posto en marcha centros de investigación e plantas piloto con obxectivo de desenrolar e avaliar o seu potencial práctico.

A miña proposta consistiría na elaboración dun estudo para determinar en que parte da costa do concello (ou mesmo da área metropolitana) tería máis sentido a instalación du xenerador undimotriz piloto. Posteriormente, podería pasarse a unha fase de licitación onde se escollese o modelo cunhas características custo-beneficio máis axeitadas.

A posta en marcha e operación inicial do xenerador podería levarse a cabo en colaboración entre o MUNCYT, a Casa dos Peces e mesmo personal investigador da UDC. Posteriormente, en función dos resultados obtidos, podería pensarse en asignar personal propio mantendo a conexión cos  proxectos de investigación da UDC.