Código proposta de investimento: 4207
Co incremento dos prezos da energía eléctrica, e as consencuencias económicas e políticas da excesiva dependenza dos combustibles fósiles, o investimento e a diversificación nas alternativas renovabeis estase consolidando.
Polas súas carácterísticas, A Coruña podería cubrir parcialmente a súa demanda de enerxía eléctrica mediante o aproveitamento da enerxía das ondas (undimotriz). Outras cidades do norte, coma é o caso de Santander, teñen posto en marcha centros de investigación e plantas piloto con obxectivo de desenrolar e avaliar o seu potencial práctico.
A miña proposta consistiría na elaboración dun estudo para determinar en que parte da costa do concello (ou mesmo da área metropolitana) tería máis sentido a instalación du xenerador undimotriz piloto. Posteriormente, podería pasarse a unha fase de licitación onde se escollese o modelo cunhas características custo-beneficio máis axeitadas.
A posta en marcha e operación inicial do xenerador podería levarse a cabo en colaboración entre o MUNCYT, a Casa dos Peces e mesmo personal investigador da UDC. Posteriormente, en función dos resultados obtidos, podería pensarse en asignar personal propio mantendo a conexión cos proxectos de investigación da UDC.
Localización: Illa do Pé (diante da Casa dos Peces), coma unha proposta a considerar.
A proposta é inviable porque a actuación non é competencia do Concello da Coruña senon que entra directamente no ámbito do dominio público marítimo terrestre, sendo competencia de Costas Estado.
¡Boa idea! O Concello da Coruña debe avanzar na coxeración de enerxía e no seu compromiso coa sustentabilidade.
Eu véxolle a ventaxa de que se podería comenzar cunha instalación pequeña, baseándose nos proxectos doutros lugares e tendo así un bo control dos custos.