Mellora no acceso peonil dende o Parque de Eirís á praia de Oza
Código proposta de investimento: 2344
Sería moi interesante para os veciños da zona do Castrillón e Eirís un acceso mais sinxelo á praia de Oza para poder achegarnos camiñando.
Informe de inviabilidade
Lamentamos comunicarche que a túa proposta foi considerada INVIABLE polo noso equipo técnico por non cumprir un dos criterios requiridos nos Orzamentos Participativos que é ser gasto de investimento en solo municipal. A mellora da accesibilidade desde os barrios de Eirís e Castrillón está condicionada pola titularidade dos terreos que son en gran parte propiedade da Administración do Estado o que imposibilita o gasto de inversión do Concello. A definición dun percorrido " mais sinxelo á praia de Oza para poder achegarnos camiñando" debe xurdir dun consenso entre veciñanza e as diferentes administracións implicadas que o Concello promoverá. Con todo agradecémosche a túa participación no programa de Orzamentos Participativos e esperamos volver contar coas túas propostas no vindeiro ano.
todo o que favoreza a mobilidade peonil e benvido
Moi boa suxerencia.
Totalmente de acordo, e ademais agora mesmo os pasos de peóns para cruzar baixo a Avenida da Pasaxe son un perigo. Hai mala visibilidade e os vehículos non os respetan circulando a velocidades demasiado altas para esa zona.
É unha idea moi axeitada, sobre todo os que temos nenos. Agora hai que dar moita volta
Apoio esta idea, quería propoñela eu pero visto que xa está que mellor que darlle o meu apoio. Xa non para xente que baixe a praia, tamén somos moitos os que baixamos a correr ao paseo de San Diego e da Praia de Oza e non temos un paso en condicións, sobre todo fora das épocas estivais, onde hai barro, terreo irregular e falta completa de iluminación para os que baixamos dende o Skate Park ata o concesionario Renault Caeiro, deberían acondicionar e iluminar esa ruta; mellorar a señalización dos pasos peonís na rotonda de Casablanca e crear un novo acceso sen ter que ir a pasarela actual que é moi estreita, queda lonxana e dificulta o paso de peón e bicis.
Na actualidade os veciños de Os Castros e Castrillón, cando imos andando á praia de Oza, accedemos dende o Paseo Marítimo Os Castros Casablanca a unha pasarela peonil que transcorre por riba da vía do tren e, a continuación temos un percorrido paralelo á vía do tren. Este acceso é moi deficitario e debería mellorarse para facilitar que estes veciños poidan ir andando.