Saíndo da esquina superior do parque da estación de tren, cruzando a Ronda de Outeiro e continuando por Capitán Juan Varela. Despois, baixando pola rúa Monforte, pola rúa Fernando Rey ata cruzarse coa rúa Juan Flórez. Baixando por Federico Tapia ata Plaza Galicia, seguindo por Rosalía de Castro e rúa Francisco Mariño.

Para favorecer o uso da bicicleta é imprescindible comunicar as diferentes estacións de tren e bus co centro da cidade.

Continuar a dúas rúas peatonais Barcelona e Ángel Senra polas rúas Ramón Cabanillas, Sagrada Familia e Antonio Carballo. As rúas peatonais son fontes importántísimas de vida para os barrios, esta unión acercará os dous barrios e axudará a crear unha ronda peonil paralela á ronda de Outeiro. Que intercomunicará a zona da estación de tren e autobuses con toda a zona da Agra do Orzan e San Pedro de Visma, a través a da rúa Barcelona.

As placas de rúa cumpren unha función esencial nunha cidade. Porén, na Coruña atopamos moitas rúas nas que as placas están colocadas só nalgúns recantos, Por iso, propoño a colocación de placas de rúa en tódolos recantos, para poder identificar ao momento onde se está, e facilitando tamén a orientación.

As placas de rúa tamén son un símbolo da cidade. Son características as de París, Venecia, Bilbao ou Compostela. Por iso, tamén propoño un deseño que sexa característico e único da Coruña.

Unha suxestión sería que as placas incluísen os números dos rueiros, coma sucede en Budapest, o que permite saber cara onde ir cunha ollada rápida. A frecha indicaría o sentido do tráfico da rúa.

As placas poderían incluír un código QR que leve a unha web onde se explique a historia do nome e de edificios ou feitos senlleiros da rúa, ou información práctica para residentes e visitantes.

A proposta consiste na instalación de soportes de bicicleta nos autobuses e deste xeito combinar dous medios transporte respetables co medio. En moitas grandes cidades este sistema funciona, e sería outro aliciente máis para que os cidadans se animen a coller a bici sen medo a quedar sen folgos. Para comezar estaría ben facer un estudio dos autobuses que máis desnivel superan, porque son os que potencialmente terían máis uso.

Actualmente o aluguer de espazos municipais como poden ser os campos de fútbol da Torre é un trámite complicado, xa que tan só é posible acudindo a oficinas municipais como a do Pazo de Deportes. Propoño a creación dunha plataforma dixital onde este trámite poida realizarse mediante pago virtual. Poño como exemplo na imaxe a plataforma que ten Madrid para o aluguer de pistas municipales.