Mellora do asfaltado na Rúa Río de Quintas, poñendo algunha papeleira. A zona está toda sucia, e chea de deposicións dos cans. 

Aumentar ou crear unha nova zona de xogos infantis para nenos que comprenda unha horquilla mayor de idades. Por exemplo con pirámides de escalada, castelos con tobogáns en espiral, ...

Dende a apertura da eco-horta urbana de Eirís, “Leira das Freces”, no verán de 2018, as persoas usuarias da mesma, e a asociación que constituiron posteriormente, teñen solicitado reiteradamente á Concellaría de Medioambiente a instalación dun baño no entorno da horta.

A solicitude é principalmente para uso das persoas usuarias das hortas, aínda que tamén daría servizo a unha parte importante do Parque de Eirís, á zona de skate-park, e á do canil, polo que a

instalación sería ben recibida no espazo próximo ás hortas, chan e accesible para os equipos de mantemento.

É unha zona de difícil acceso, por estar no medio dunha importante pendente que ademais esvara, sen varanda nin punto de apoio nin descanso, e a idade media das persoas que as cultivan é elevada, polo que resulta máis complicado subir a pendente. O factor da idade fai que a frecuencia na necesidade de uso do baño sexa maior, e fai que teñan que saír buscar un bar cada 2 horas, co gasto que supón. Máis complicado aínda no caso das mulleres, que en caso de apuro non teñen máis opción que subir ata a praza de Pablo Iglesias, que é onde se atopa o primeiro local con aseo de acceso público (un bar). E lembremos que o factor da idade e/ou incapacidades era tido en conta nas solicitudes (pensionistas).

Quixeramos sinalar tamén que hai un agravio comparativo con respecto ás usuarias das hortas do Ágora, por exemplo, que teñen a menos de 15 metros un edificio público con acceso aberto a un

aseo público. Sin esquecer que a localización exacta das hortas foi decisión do Concello, polo

que debe tentar paliar o máis posible as consecuencias da mala accesibilidade das mesmas.

Aseos que foron solicitados en Xullo pola AAVV de Eirís, pero tamén polas do Castrillón, Os Castros e Monelos, zonas de procedencia da maioría das persoas usuarias das hortas.

Que se instale urxentemente un aseo nas inmediacións das hortas municipáis de Eirís,

en coordinación coas usuarias da mesma directamente ou a través da súa asociación veciñal.

Consideramos importante ese espazo sexa humanizado, xa que xa é o acceso para moitas vivendas novas, e para moitas preexistentes que conviven cos novos espazos, ademáis dun colexio, sen esquencer que é e seguirá sendo zona de paseo.

Dende que se abreu o paso para peóns por parte da zona colindante entre Xuxán e Eirís de Arriba, entre a Estrada de Eirís ata a zona de Montemero, O Foxo e Elviña, é unha zona habitual para moita xente que busca zonas tranquilas para pasear.

Pero ademáis cada día son máis as persoas que viven alí.

Entre toda esa xente, moitas son persoas maiores, que agradecerían ter bancos nos que poder sentarse. Nomeadamente en tódalas escaleiras que comunican Xuxán con Eirís de Abaixo, e internamente.

Polo mesmo motivo, nunha zona tan grande, non hai ningún sitio no que tirar o lixo, e tanto a xente que ven pasear como a veciñanza quixeramos que estivese limpo.

Instalación de pasos de peóns elevados na rúa Javier López López, de forma que se axude a reducir a velocidade coa que os vehículos circulan nunha vía na que a súa pendente anima a moitos conductores a exprimir ao máximo os motores dos seus vehículos, poñendo en perigo a seguridade dos peóns.