Propongo conectar los barrios de Xuxán y Eirís mediante carril bici y acera para favorecer los desplazamientos entre Matogrande-Xuxán-Eirís-Chuac.

Na actualidade o entronque destas rúas en planta conta cunha extraña distribución que inclúe unha ampla banda de cebreado, unha superficie desaproveitada utilizada de xeito habitual polos veciños para aparcaren de xeito alegal, o que implica que recurrentemente reciban multas por parte da Policía Local. A superficie do cebreado e o exceso de espazo adicado a tránsito de vehículos poderíase aproveitar doutro xeito máis racional mediante o entronque das rúas deixando únicamente o espazo para a circulación precisa para a circulación e que permita a entrada/saída do aparcadoiro próximo e o tránsito rodado en tódalas direccións. Ademáis poderíase gañar: - Aproximadamente 7 novas prazas de aparcadoiro en batería - Nova zona de aparcamento para motos - Un novo paso de peóns - Novos alcorques para arborado - Ampliación de beirarúa  

A parte de atrás do barrio de Pedralonga, onde se ubica o antigüo lavadoiro, é un erial sen orde nin concerto. Cheo de maleza a meirande parte do ano e, a pouco que se mire, cun gran potencial para a creación dunha zona de paseo que comunique Pedralonga e Eirís coa estrada de As Xubias (zona Materno Infantil-Sta María del Mar) e sirva, ao tempo, de área de esparexemento. 

O proxecto debería incluir a posta en funcionamento dun carril bici que comunique co que xa existe na Avenida da Pasaxe. 

Mellorarían os equipamentos e facilitaría, ao tempo, a mobilidade deste barrio tan alonxado e deficientemente comunicado. 

Nestes tempos parece moitas veces que internet é a solución a todo. Para acceder a servizos, a información, a participar...

Pero non podemos esquecer que nin toda a sociedade ten acceso a internet, nin se manexa nas redes. E menos nun barrio coma Eirís, onde viven moitas persoas maiores, moitas veces soas, e onde en moitas vivendas non nos queren poñer Fibra óptica e a conexión a internet é dunha calidade pésima. 

Isto fai que moitas veces haia xente que queda fora dese circuito cultural, sociocultural, de ocio, social, pedagóxico... 

No caso de Eirís, o Centro Cívico está ubicado na Canteira de Eirís, e tampouco é un sitio de paso para a maior parte do barrio. 

Por isto, e para facilitar o acceso á información do que alí pode acontecer, así como de actividades culturáis, asembleas veciñáis, etc...  para favorecer a participación e a interacción co resto da veciñanza, solicitamos a instalación de 3 panéis informativos nas zonas máis alonxadas do Centro Cívico.