Esta praza é moi utilizada polos veciños do barrio, grazas aos usuarios do centro cívico e a biblioteca, e tamén ás persoas que viven na residencia da terceira idade de Santo Tomás. É dicir, alí conviven veciños de todas as idades. Por iso propoño varias melloras na praza: arranxar o chan (que se  encharca cando chove e escorrega moito); poñer un  aparcabicis na entrada do Centro Cívico; máis árbores para crear zonas de sombra para nenos e maiores; poñer algún banco máis; instalar unhas máquinas de exercicio para os maiores. Tamén sinalizar o Centro Cívico e a biblioteca na rúa Vereda da Polvoreira (xusto antes da subida á praza) e tamén nas paredes do edificio. Instalar papeleiras que separen por tipo de residuos. E por último mellorar a iluminación da praza. 

Seguindo o deseño empregado na primeira humanización desta vía, proponse a continuación da mesma nestre treito da rúa. Esta intervención melloraría o espazo peonil na mesma, e permitiría un aumento de atractivo comercial. O redeseño tería en conta o novo mapa de liñas de transporte público así como a posible implantación de carrís bus/bici recollidos nese plan.

Actualmente nesta rúa é moi dificil pasar, tanto en coche como andando. Os coches case non caben e os peóns tampouco. Habería que facer máis anchas as beirarrúas e prohibir o aparcamento. 

O actual sistema de circulación baseado en rúas de sentido único responde á lóxica do automóbil, mentres que para medios de transporte como a bicicleta carece de sentido. Así, resulta pouco racional que unha bicicleta se vexa na obriga de realizar unha maior distancia cando pode ser un percorrido máis curto. Proponse a creación de carrís-bici a contramán a través da supresión xe bandas de aparcadoiro.

A modo de exemplo, propóñense as seguintes rúas: rúa Alcalde Marchesi, rúa Sagrada Familia e rúa Modesta Goicouría