Propostas de investimento non viables: Distrito 8
Paseos e zona de esparexemento desde Pedralonga á carretera A Pasaxe/Xubias
14/09/2022 • • Distrito 8
A parte de atrás do barrio de Pedralonga, onde se ubica o antigüo lavadoiro, é un erial sen orde nin concerto. Cheo de maleza a meirande parte do ano e, a pouco que se mire, cun gran potencial para a creación dunha zona de paseo que comunique Pedralonga e Eirís coa estrada de As Xubias (zona Materno Infantil-Sta María del Mar) e sirva, ao tempo, de área de esparexemento.
O proxecto debería incluir a posta en funcionamento dun carril bici que comunique co que xa existe na Avenida da Pasaxe.
Mellorarían os equipamentos e facilitaría, ao tempo, a mobilidade deste barrio tan alonxado e deficientemente comunicado.
Parque Infantil + Zona Biosaudable no alto de Eirís e Xuxán
26/09/2022 • • Distrito 8
Dende o Parque que hai sobre o túnel de Eirís ata Fonteculler non atopamos ningunha zona biosaudable, con aparellos para facer ximnasia ó aire libre en calquera momento. E case ocorre o mesmo cos parques infantís. Esta zona máis rural ten moitas cousas pendentes, estas 2 son parte delas.
Tanto pola idade da poboación (persoas maiores, moitas veces con nenos e nenas ó seu cargo durnte o día) como por ser unha zona que escolle moita xente para pasear, consideramos que debera haber unha zona destas características no alto de Eirís.
A localización deixámola a elección do Concello, sempre e cando cubra a zona na que se carece do servizo.