Código proposta de investimento: 3631
O chamado "Castelo de Eirís" ou "Forte de Valparaíso", cenario dos principais fitos historicos desta cidade dende época romana, leva esmorecendo moitos anos. Cada ano os muros son máis baixos, e ata hai nada había a diario xente xogando a trepar por eles, aumentando o deterioro.
A última campaña arqueolóxica descubriu que todas as dovelas do arco de acceso están en perfecto estado, e o Concello ten moitas das pedras que faltan na súa custodia. Van varios amagos de conservación, que de pouco serve xa que o abandono posterior desfai o traballo, convertindo a inversión en gasto.
Entendemos necesario abordar dunha vez a restauración e protección definitiva da insigne construción. Tamén é preciso un control social ca finalidade de minimizar a degradación e levar a cabo labores de interpretación: pola súa proximidade ó Camiño Inglés e polo valor material e inmaterial deste fito historico.
A súa interacción na paisaxe urbana pode potenciarse ca iluminación nocturna aproveitando de novo este recurso como elemento de apoio de control e para distintas visitas guiadas nocturnas.
Localización: Parque de Eirís
Proposta en nome de: Asociación Vecoñal de Eirís "Uío Carré"
Comunicámosche que a túa proposta foi declarada VIABLE segundo o seguinte informe do equipo técnico municipal: "A proposta ten puntos comúns coa liñas sobre as que están traballando o servizos técnicos municipais. Nembargantes o futuro uso público final non pode ser definido sen rematar as actuacións de investigación. Partindo disto valórase a posibilidade de realizar as seguintes actuacións: -Escavación arqueolóxica en área ata esgotar os estratos arqueolóxicos na superficie necesaria para rematar as investigacións, de xeito que se poda definir nun futuro os usos deste espazo. -Restauración e consolidación das estruturas arqueolóxicas atopadas co obxecto de integralas armónicamente no parque."·