A directiva da A.VV. de Os Anxos promove a creación dun comedor social no barrio
Código proposta de investimento: 2097
A asociación de veciños dos Anxos propón a creación dun comedor social para as persoas que o precisen e que residen neste distrito, localizado no lugar Avenida de Glasgow nº5 (Punto de Encontro).
Será un sitio de encontro, onde se promoverá o almorzo, a comida e a cea. Dito comedor tamén servirá para a xeración de emprego, dando a posibilidade de que todas as persoas podan comer a diario cun prezo asequible para a clase traballadora.
Solicitamos que apoies esta proposta que beneficia a todos e todas, e especialmente a residentes do noso distrito que precisan que haxa un comedor digno na nosa zona, o que xerará mellor convivencia e cohesión social.
Para calquera dúbida para poder apoiar e votar esta proposta podedes poñervos en contacto co presidente da asociación a través do seguinte número de teléfono: 639.61.35.16 (Moncho). Chámame se tes algunha dúbida. Necesitamos o teu apoio.
Localización: Edificio do Punto de Encontro
Proposta en nome de: Asociación Veciñal Os Anxos
Informe de inviabilidade
A túa proposta non pasou á fase de votación e foi declarada INVIABLE por non estar entre as máis apoiadas do distrito na fase de apoios. Con todo, todas as propostas, tanto as viables como as inviables, son enviadas ás distintas Concellarías para que coñezan as demandas da cidadanía e poidan telas en conta no futuro. Animámoste igualmente a que participes na última fase, votando aquelas propostas que o teu barrio necesita. Moitas grazas pola túa participación, que é fundamental para facer A Coruña que todas e todos queremos.