Xa hai uns anos que se descubriron e adecentaron os antigos restos da capela de Atocha, ao final da rúa San Xoán, na medianeira do edificio onde está O Lambón.

Esta capela xa existía no século XVI e foi derrubada en 1927. No 2013, ao derrubarse un pequeno edificio decimonónico, apareceu un dos muros laterais da igrexa, que se acedentaron ao tempo que se urbanizou o pequeno calexón ao que dan.

Mais sendo un dos poucos restos que fican do antigo barrio das Atochas, boto de menos algún tipo de panel ou placa (probablemente unha placa na propia parede sería máis resistente) que informe de que son estes restos, como parte da memoria do barrio.

Xa de paso, unha man de pintura para eliminar os lamentables grafitis que hoxe lucen os restos tampouco estaría mal.

Co fin de humanizar na medida do posible e proseguir co incremento do número de árbores na nosa cidade, propoño a plantación de árbores na rúa Cordelería, concretamente ao longo da beirarrúa dereita en dirección á praza de Pontevedra.

Sería unha medida sinxela e barata, coa que se crearía un ambiente máis agradable nesa rúa, e de levarse a cabo non requeriría a eliminación de ningunha praza de aparcamento.