Código proposta de investimento: 1445
A proposta é eliminar un carril de tránsito na rúa Panadeiras, o de subida, mantendo o tránsito de baixada desde a rúa da Torre cara á rúa Orzán, que é o actualmente utilizado polas liñas de autobuses. Para facelo hai dúas alternativas:
- Desviar o tráfico de subida pola rúa Sol, ata a rúa Hospital, desde onde se pode comunicar con Monte Alto polo paseo marítimo ou subir pola rúa Hospital cara á rúa Orillamar. Esta opción tamén permitiría liberar de coches a rúa Cordonería.
- Desviar o tráfico de subida pola rúa Corralón, dirección Zalaeta e conexión máis arriba coa rúa Hospital e comunicación con Orillamar.
En ambos casos requeriría reformar lixeiramente a Praza do Pintor Sotomayor, para poder ampliar a beirarrúa de baixada, reducindo algo na parte de arriba pero ampliando por abaixo ao suprimirse o carril de subida, fundíndose a praza coa beirarrúa de subida.
A túa proposta non pasou á fase de votación e foi declarada INVIABLE por non estar entre as 15 máis apoiadas do distrito na fase de apoios, límite establecido para pasar á fase final de votación. Con todo, todas as propostas, tanto as viables como as inviables, son enviadas ás distintas Concellarías para que coñezan as demandas da cidadanía e poidan telas en conta no futuro. Animámoste igualmente a que participes nesta fase do 30 de agosto ao 17 de setembro, votando aquelas propostas que a cidade necesita, e a participar de novo na convocatoria de Orzamentos Participativos do vindeiro ano. Moitas grazas pola túa participación, que é fundamental para facer A Coruña que todas e todos queremos.
Importante!!! Como atopei unha proposta similar que pretende exactamente o mesmo, propoño que non se vote á miña proposta e votedes a esta que enlazo aquí de Adrián Martínez, eu farei o mesmo:
https://aportaaberta.coruna.es/budgets/2/investments/1048