Humanización da rúa Nebrija, paso entre Ronda de Nelle e o CEIP Paseo das Pontes

anilorrak  •  26/09/2022  •  Distrito 6  • 

---

Código proposta de investimento: 4227

A rúa Nebrija, aínda que é unha rúa pequena, é unha importante vía de paso para os peóns que une Ronda de Nelle co CEIP Paseo das Pontes (Rúa San Pedro de Mezonzo). Pese a este tránsito constante de veciños e alumnado é unha rúa chea de coches aparcados, con beirarúas estreitas de menos 1 metro (vense ocupadas polas popas dos coches estacionados en batería) e o máis desagradable dela é a escaleira que salva o desnivel coa Ronda de Nelle. Esta escaleira conta cun espazo inferior no que moitos incívicos deixan as súas deposicións e mexos practicamente a diario, todo suxo e fedorento. O tema da suciedade vese agravado pola proximidade dun par de contedores do lixo ao pé das escaleiras sempre rodeados de mobles e colchón usados.o pasamáns, de máis de 40 anos, está corroído polo óxido na súa base, facéndoa insegura. Todo isto rodeado de coches que imos sorteando como podemos ao pasar. Ista é a estampa da rúa Nebrija.

Propoñemos que se busque unha solución limpa e cómoda que salve o desnivel entre a Ronda de Nelle e rúa Nebrija con outro tipo de escaleiras ou rampas que eviten eses insalubres ocos inferiores, ampliando o espazo que ocupa a actual a escaleira se fose necesario, e que serva de apertura a esta vía con forte paso peonil. A humanización da rúa para facilitar o tránsito de persoas, moitas delas cara a o Centro Formativo Paseo das Pontes, un centro de ao redor de 800 alumnos, implicaría ampliar beirarúas e reducir a presenza de vehículos, mesmo peonalizala deixando só paso aos garaxes (a circulación está garantida polo triángulo formado por Avda. Fisterra, Ronda de Nelle e rúa San Pedro de Mezonzo). Podería completarse coa colocación dalgúns bancos (moita xente maior no barrio) e algún tipo de vexetación que resista nesta rúa bastante sombría. No caso de poderse facer peonil, a pequena rúa perpendicular, rúa Jorge Borrow (que case nin beirarúas ten) quedaría sen tráfico (excepto garaxes) podendo unirse todo unha mesma zona peonil.

• beirarrúas
• asfaltado
• Urbanismo
• Mobilidade tráfico e transporte
• Infraestruturas

Informe de custo

A proposta é viable e executarase ata o límite de orzamento asignado ao distrito,