Código proposta de investimento: 3447
Co fin de mellorar a visibilidade en cruces e nos pasos de peóns, dende Mobi-liza propoñemos a colocación de aparcabicis nas súas proximidades. Concretamente, propoñemos a colocación dun aparcabicis na intersección entre Ramón y Cajal e Avenida de Oza (na beirarrúa da churrería El Timón), xa que percibimos que habitualmente aparcan coches de maneira irregular diante da praza reservada para persoas con mobilidade reducida, restando visibilidade no cruce e poñendo en perigo aos peóns e persoas usuarias de bicicleta e VMP. Igualmente, cremos que esta medida pode ser replicable en moitos máis cruces e interseccións.
Localización: Intersección Ramón y Cajal e Avenida de Oza
Proposta en nome de: Mobi-liza
A túa proposta non pasou á fase de votación e foi declarada INVIABLE por non estar entre as máis apoiadas do distrito na fase de apoios. Con todo, todas as propostas, tanto as viables como as inviables, son enviadas ás distintas Concellarías para que coñezan as demandas da cidadanía e poidan telas en conta no futuro. Animámoste igualmente a que participes na última fase, votando aquelas propostas que o teu barrio necesita. Na Coruña contas.
Neste enlace (http://www.annebrask.com/the-future-of-streets-for-micro-mobility) podedes ver como sería a ubicación ideal do aparcabicis.