Aumento e mellora do parque infantil da Praza de Vigo
Código proposta de investimento: 3316
A praza de Vigo ten cada tarde centos de nenos da zona xogando pero conta cun parque infantil pequeno para tal afluencia. A proposta consiste en ampliar a zona infantil con mais e mellores xogos e eliminando unha ou as dúas pérgolas crear unhas zonas con porterías e canastas.
Informe de custo
Comunicámosche que a túa proposta foi declarada viable segundo o seguinte informe do equipo técnico municipal: Co presente investimento atenderase á mellora tanto da calidade como da cantidade de xogos infantís existentes na praza, ao ampliarse a área de xogo e sustituÍndose os actuais xogos/estruturas por novas que cubrirán un amplo rango de idade dos usuarios (1 a 14 anos) e a alta simultaneidade no seu uso. Esta área posuirá pavimento de caucho amortiguador e integrarase perfectamente coa súa contorna.