Código proposta de investimento: 1580
A freguesía de Elviña conserva unha importante rede viaria histórica que une diferentes núcleos da parroquia. Hoxe hai treitos que están fragmentados ou que forman parte de rúas.
A nosa proposta é ir recuperando ese viario histórico, formando unha rede cos camiños xa recuperados, rúas e camiños por acondicionar. Fundamentalmente o que se propón é que se sinalicen eses camiños e que se manteñan en boas condicións para o tránsito a pé.
Para esta proposta en concreto xuntamos un mapa cos camiños e rúas que unen Elviña, Castro, Penarredonda, As Revoltas, Palavea e Fontaíña.
A proposta foi declarada viable segundo o seguinte informe do equipo técnico municipal: "Da revisión efectuada non se detectou ningún aspecto (técnico, legal ) que impida a execución da proposta presentada. Os tramos a acondicionar (roza, firme en zahorra, treitos en formigón e sinalización) supoñen un orzamento de contrata aproximado de 65.856 euros. Non se presuposta o estudo de mobilidade nin a sinalización dos itinerarios peonís resultantes, polo que como proposta de distrito non supera o custo máximo de 200.000 euros. A zona de Elviña-Peñarredonda-Palavea presenta un viario descontinuo para os peóns, que dificulta os recorridos especialmente en torno as grandes infraestruturas o que poderíase paliar en parte ca recuperación de treitos de camiños tradicionais, pero faría falla a realización dun estudio de mobilidade no ámbito de referencia." Agradecemos a túa participación nos Orzamentos Participativos e esperamos volver contar coas túas propostas na seguinte edición do programa o ano que vén.
Propuesta muy interesante para la recuperación de la posibilidad de comunicación peatonal de una zona.
Toda a parroquia está illada do resto do concello, se non é por estrada. O acceso a pé é toda unha odisea. Boa iniciativa.
Nos últimos anos houbo iniciativas interesantes de recuperación da rede viaria, aí están a recuperacións e acondicionamento do Camiño de Saramelos, do camiño de Castro á Cabana e ao Martinete e o camiño de Feáns pola Agra de Campos. Como ben dis o acceso a pé é toda unha odisea, e ir andando de Elviña a Carracedo ou a Palavea non está exento de risco.
Cómpre seguir traballando para recuperar a rede viaria que vertebra a parroquia e que comunica tanto coa Vila como cos concellos de Culleredo e Arteixo.