As veciñas e veciños da parroquia de San Vicente de Elviña (Lugares de Elviña, Castro de Elviña) non temos acceso dende os nosos fogares á rede de fibra óptica, algo imprescindible a dia de hoxe para case calquera actividade laboral, administrativa e incluso o acceso á sanidade. Solo as vivendas ao caron da estrada principal teñen acceso á fibra (Edificio O Pilar), non chegando a ningúnha outra vivenda do lugar. Pedimos que se complete a instalación de fibra nestes lugares que se atopan entre nodos tan ben comunicados como son os campus universitarios de Elviña e A Zapateira, polo que técnicamente debe ser doado dotar a toda a poboación de fibra óptica cunha boa conectividade. 

Nos lugares do Castro de Elviña e Elviña hai unha especial desorde no tocante á organización do tráfico, polo que solicitamos que se creen zonas especialmente protexidas nas que non se poda aparcar ou se estableza unha limitación horaria como "Máximo 20 minutos".nos seguintes puntos: Na fonte de Elviña (Máximo 20 minutos), Na Rúa Castro de Elviña ( Hai liña amarela pero son necesarias sinais que prohiban o aparcamento). Estas medias están dirixidas a que as veciñas e veciños destes núcleos podamos acceder ás nosas casas coa mesma facilidade que o resto da poboación da cidade. Especialmente no caso de persoas maiores e con mobilidade reducida.   

As escaleiras de baixada dende a rúa rebandas ata o parque biosaudable  son perigosas, non teñen pasamáns no que apoiarse. Cando chove ou hai follas caídas nas escaleiras é moi fácil que os usuarios caian. De feito nas últimas semanas caeron varios. Solicitamos que se instale un pasamáns para a seguridade da veciñanza que acceda ao parque.