4 pasos de peóns por cruce
Código proposta de investimento: 4107
Son moitos os cruces na nosa cidade nos que conflúen dúas rúas e, en lugar de haber 4 pasos de peóns, só hai tres. Isto fai que como peón non continúes a liña do desexo, senón que teñas que facer un percorrido laberíntico para poder cruzar unha rúa. Á parte da incomidade que supón, incrementa a distancia a percorrer polo peón, polo que en ocasións se cruza de forma ilegal.
Por iso, dende Mobi-liza propoñemos que este tipo de cruces conten sempre con 4 pasos de peóns. Concretamente, esta proposta realizámola para o cruce das rúas San Isidoro con González del Villar, pero posteriormente pode ser extensible a outras ubicacións.
Na imaxe pode verse en vermello o percorrido que quere facer peón fronte ao que lle obriga o deseño urbano en azul.
Proposta en nome de: Mobi-liza
Informe de inviabilidade
A túa proposta non pasou á fase de votación e foi declarada INVIABLE por non estar entre as máis apoiadas do distrito na fase de apoios. Con todo, todas as propostas, tanto as viables como as inviables, son enviadas ás distintas Concellarías para que coñezan as demandas da cidadanía e poidan telas en conta no futuro. Animámoste igualmente a que participes na última fase, votando aquelas propostas que o teu barrio necesita. Na Coruña contas.