Na Coruña Contas

Resultados da busca

Hai 2 propostas de investimento que conteñen 'pasos de peóns'

f4d0d5ee-778d-4217-9848-a3572d1cc532_16-9-aspect-ratio_default_0.jpg

Paso ciclista no carril-bici Mesoiro-Universidade

03/10/2021  •  Mobi-Liza  •  Distrito 9

Dende o Campus de Elviña ata Mesoiro existe un carril-bici segregado. Sen embargo, no seu cruce co ramal da terceira rolda-Universidade non conta con paso ciclista, senón con paso de peóns. Polo tanto dende Mobi-liza propoñemos que nese punto, adxacente ao paso de peóns se habilite un paso ciclista, de forma que as persoas usuarias de bici e VMP poidan cruzalo montadas sobre o seu vehículo sen necesidade de apearse.

48.400 €
VISTA AVENIDA ARTEIXO DENDE AS DUAS MARXES . DISTRITO 10 E 4

PASO DE PEÓNS AVENIDA ARTEIXO. LIMITE DISTRITO 10 E DISTRITO 4

24/09/2021  •  olguisantos  •  Distrito 10

Sendo coñecedores de diferentes peticións individuais e grupais feitas por veciñas e veciños da zoa de Vioño e Os Mallos; sendo conscientes da perigosidade á que nos enfrentamos cada día moitas persoas que cruzamos a Avenida de Arteixo de xeito incorrecto por unha senda "creada" polo uso; sendo observadores, ademais da disposición dun paso de peóns con anterioridade á pasarela peonil que se atopa á altura do IES Urbano Lugrís, presento a SOLICITUDE de estudo e investimento da colocación dun paso de peóns, regulado pola mesma frecuencia semafórica dos pasos existentes á altura da Cafetería Padock e do Centro Cívico dos Mallos, Á ALTURA DO NUMERO 90 da avenida de Arteixo nunha das marxes e do número 125 na marxe dos impares.

A urxencia e insistencia nesta petición ven motivada, mais que pola necesidade, pola propia seguridade de todos os veciños que usamos a senda. O seu uso está mais que demostrado pola propia anchura da senda, que cada vez é maior, pero acontecen, en ocasións, sucesos que poñen en perigo a seguridade viaria, tales como caídas, carreiras, sustos de conductores que ven cruzar por diante peóns, persoas esperando para cruzar no arcén, etc. 

Entendemos que, si a frecuencia do semáforo é a mesma que a dos existentes anterior (Padock) e posterior (Centro Cívico) aproveitando que os coches están parados, non debería influir na fluidez do tráfico.

Recordemos que entre os semáforos existentes hai casi 300 metros pero dase unha circunstancia a ter en conta. Na marxe correspondente a Vioño, non hai supermercados nin panaderías, por exemplo. Deste xeito, existe unha grande afluencia de veciñas e veciños de tódolos portais que pegamos co parque que acudimos aos Mallos a Eroski, peixería, carnicería, librería, hostelería, etc que se atopa xusto enfrente. Por este motivo, existe a senda na mediana da Avenida de Arteixo. 

A necesidade de accesibilidade, por tanto, non é un capricho, a acredita o uso constante e continuado que facemos desa zoa de paso que imos seguir usando diariamente, co risco que iso ocasiona.

Nas súas mans está solucionar esta situación que pode ocasionar accidentes indesexables.

85.000 €