Código proposta de investimento: 3166
Co desuso das cabinas teléfonicas e co apoio do Concello, poderíamos organizar obradoiros de reciclaxe para convertir estas cabinas en bibliotecas gratuitas para a cidadanía e poder practicar o bookcrossing. A idea non é nova, xa que se fixeron algunas polo Campo da Leña e Cidade Vella. A cidadanía deixarían libros en desuso que poderían ser collidos por outros coruñeses. Colles un libro e deixas outro, e recuperas material urbano en desuso e lle das un novo uso. Podería encargarse este traballo a unha asociación cultural da cidade e se podería facer obradoiros abertos para a participación de moitos coruñeses.
A proposta é inviable pois non dispoñemos de información suficiente para valorar a viabilidade desta proposta nin o seu custo económico. Somos descoñecedoras da cantidade de cabinas que hai na cidade e cales son susceptibles de conservación por ser un elemento patrimonial. Ademais, as biblio-cabinas non suporían unha mellora no sistema bibliotecario da cidade que é amplo e ben dotado (existen dez bibliotecas públicas repartidas por diferentes zonas da cidade onde a cidadanía pode ter acceso libre e gratuíto a unha maior colección de libros e a un gran catálogo de servizos así como a unha atención personalizada).