No tramo que vai desde Abente y Lago ata Fonte dos Surfistas, eliminar un carril para coches, posto que é innecesario ter dobre carril para o tráfico que ten esa zona, e ademáis desincentivaría o seu uso e tamén o exceso de velocidade, que é frecuente. Actualmente o paseo é unha autoestrada urbana. O carril recuperado para as persoas permitiría ter novos espazos para camiñar, actividades deportivas, mobiliario urbano, plantas, árbores, etc.

Reordenación viaria e creación de praza no espazo desaproveitado no cruzamento das rúas Sofía Casanova e Vizcaya.

Incluiríase novo moviliario urbano e vexetación.

Nunha entrevista co colectivo Reforesta Coruña, en 2017, a concelleira de medioambiente recoñecía a perigosidade actual dunha vía “ateigada de coches onde se acadan velocidades elevadas. Velocidades ilegais, mais reais, como sabemos”. Resulta paradóxico que se limiten formalmente a 30kmph, e se realizen deseños con lomas e outros dispositivos de calmado do tráfico en rúas moito menos perigosas, mentres estas continúan sendo unha paisaxe máis propia da circulación interurbana.

Peonalizar o tramo da avenida Gran Canaria que vai dende o cruce coa rúa Venezuela ata o cruce coa rúa Archer Milton. Esta medida crearía un centro comercial aberto no barrio, ao estilo da rúa Barcelona pero en menor tamaño, facendo un entorno sen coches no barrio, onde a xente puidera pasear tranquilamente. Proponse esta zona en concreta por ser a de máis actividade comercial do barrio ao haber moitos locais a ambos lados. Faríase así unha zona onde os xente maior e os nenos e nenas se sentisen máis seguros, sen ter que preocuparse dos coches.  

O tráfico sería desviado por Archer Milton. Os garaxe seguirían sendo accesibles polos seus usuarios, así como habería un tempo para a carga e descarga, As prazas de aparcamento podería ser recuperadas no paseo marítimo, facendo que se reduza a velocidade á que van os coches na avenida de San Roque, acendo o carril bici maís seguro.