A Porta Aberta

Volver

Orzamentos participativos

Propostas de todos os ámbitos (toda a cidade e todos os distritos)

Hai 6 propostas de investimento clasificadas como 'Turismo' en todos os ámbitos

Letras "I am Amsterdam", punto muy turístico de la ciudad holandesa
Toda a cidade

Creación de carteis turísticos na cidade

  2 comentarios  •  19/05/2019  •  brunorcd

Actualmente na cidade non existe algo coma isto. A proposta consiste na instalación dun letreiro, pode ser parecido ao da imaxe, que esté situado en algún punto do centro da Coruña, como pode ser a explanada do Parrote, onde hai moito espazo baleiro e é un punto no que se concentran moitos turistas, xa que está preto do porto de trasatlánticos e da Praza de María Pita. 

Tamén se propón a posibilidade de instalar un letreiro de "BENVIDOS A CORUÑA / BIENVENIDOS A CORUÑA" nos accesos á cidade (Avenida de Lavedra, Terceira Rolda ou As Xubias".

Quiosco rúa San Roque
Distrito 10

REHABILITACIÓN DO QUIOSCO DA RÚA SAN ROQUE NO CAMPO DA LEÑA (PRAZA DE ESPAÑA)

  Sen comentarios  •  25/04/2019  •  A. Martínez

Recuperación deste quiosco, ben como edificio para servizos municipais (socioculturais, turismo, oficinas), ben mediante a unificación dos baixos comerciais para alugar toda a súa superficie.Este cambio de uso e configuración permitiría a recuperación e unificación estética da edificación e a súa imaxe externa, hoxe en día deturpada.

 Exemplos de placas de Budapest, Venecia, París, Bilbao, Santiago e Londres
Toda a cidade

Placas de de rúa únicas e en tódolos recunchos

  8 comentarios  •  25/04/2019  •  smlebo

As placas de rúa cumpren unha función esencial nunha cidade. Porén, na Coruña atopamos moitas rúas nas que as placas están colocadas só nalgúns recantos, Por iso, propoño a colocación de placas de rúa en tódolos recantos, para poder identificar ao momento onde se está, e facilitando tamén a orientación.

As placas de rúa tamén son un símbolo da cidade. Son características as de París, Venecia, Bilbao ou Compostela. Por iso, tamén propoño un deseño que sexa característico e único da Coruña.

Unha suxestión sería que as placas incluísen os números dos rueiros, coma sucede en Budapest, o que permite saber cara onde ir cunha ollada rápida. A frecha indicaría o sentido do tráfico da rúa.

As placas poderían incluír un código QR que leve a unha web onde se explique a historia do nome e de edificios ou feitos senlleiros da rúa, ou información práctica para residentes e visitantes.

Toda a cidade

CIRCUITO PERMANENTE DE ORIENTACIÓN

  Sen comentarios  •  21/05/2019  •  Gallaecia Raid

En lugares urbanos y parques (Parque de la Torre, Ciudad Vieja, Bens, Santa Margarita, Zona Universitaria…) Colgando los mapas en la web del concello y permitiendo al mismo tiempo a los turistas conocer la ciudad. El coste es mínimo y facilita la práctica deportiva.

Camiño de Santiago tradicional: Atravesando Eirís e pasando pola Fonte dos Caños
Distrito 6

Camiño de Santiago. Non cambiar o percorrido para especular.

  Sen comentarios  •  21/05/2019  •  monicaeiris

O Camiño de Santiago atravesaba Eirís. Era o Camiño de Eirís. Partía da Estrada de Eirís, entraba en Eirís de Abaixo, pasaba pola Fonte dos Caños, pola casa de Xosé Lesta Meis, subía cara MonteMero, e Baixaba a Pedralonga. E así figuraba nas escrituras das fincas colindantes, como Camiño Real.

Coas obras do Parque Ofimático apareceron na Estrada de Eirís uns carteis coa lenda de "Desvío provisional do Camiño de Santiago" . E as excavadoras arrasaron o camiño, incomunicaron parte do barrio, substituíndoo por unhas escaleiras imposibles. 

Agora ese tramo é propiedade do Concello.  E solicitamos que o habiliten de novo como Camiño, e poder tamén recuperar o Camiño de Santiago. 

María Pita
Toda a cidade

COLOCACIÓN DUNHA PLACA CONMEMORATIVA OU MONUMENTO EN HONRA A INÉS DE BEN

  Sen comentarios  •  25/04/2019  •  A. Martínez

Colocación dunha placa conmemorativa ou monumento en honra a Inés de Ben (e o resto de cidadáns da Coruña que a defenderon do ataque dos ingleses).Temos unha heroína local (María Pita), que levantou os ánimos e tivo un papel innegable na defensa e salvación da cidade, mais paréceme importante recoñecer a outras persoas que colaboraron nesta contenda e non obtiveron o recoñecemento merecido, como recolle o artigo enlazado.O investimento sería mínimo, unha placa ou escultura que permita recoñecer a estas persoas ás que a historia esqueceu ou non tratou como merecían.