A Porta Aberta

Volver

Orzamentos participativos

Propostas de todos os ámbitos (toda a cidade e todos os distritos)

Hai 8 propostas de investimento clasificadas como 'Educación' en todos os ámbitos

Pérgola_parcial_total_CEIP_María_Pita.jpg
Distrito 7

Pérgola / cuberta total ou parcial para patio central de acceso CEIP María Pita

  Sen comentarios  •  20/05/2019  •  beafigueroa

Proponse realizar unha pérgola/cuberta para protexer da intemperie a zona de patio na que se desenvolven tanto as filas para a entrada de alumnos ao centro como a saída ao recreo.

A altura da pérgola proposta coincidiría coa altura de teito de planta baixa, e non restaría luminosidade nin ventilación de espazos nos que se desenvolve a práctica docente, dado que pola distribución do edificio estes espazos atopanse volcados cara as fachadas máis exteriores.

A pérgola parcial ocupa uns 140 m², e a súa versión completa uns 400m² situados na parte interior da U do edificio.

Na actualidade non existe un espazo cuberto anexo ao centro para que en días de choiva o alumnado poida organizar filas para as entradas e saídas protexidos, ou sair ao recreo con mal tempo.

Distrito 4

Construír unha nova Escola Infantil Municipal no Distrito 4

  Sen comentarios  •  17/05/2019  •  rosa_coruna

A miña proposta é construír unha nova Escola Infantil Municipal no Distrito 4 porque penso que este distrito está mais necesitado deste tipo de servizo por ter un incremento da poboación xoven. Así, pais e nais que intentan acceder ao mercado laboral, poderían optar a unha conciliación da vida laboral coa vida persoal e familiar. Sería importante que nas instalacións se inclúa unha cociña na que podan traballar profesionais que elaboren menús saudábeis para os pequenos e pequenas; e que a xestión e supervisión sexa Municipal.

estado_actual_do_edificio_de_mestras.jpg
Distrito 10

Novo edificio no CEIP Sanjurjo de Carricarte para uso do alumnado e do barrio

  Sen comentarios  •  20/05/2019  •  trr

Desde a ANPA do CEIP Sanjurjo de Carricarte propoñemos a demolición e construcción dun novo edificio de planta baixa anexo ao centro escolar, que permita o seu uso sen depender de medios mecánicos e supoña unha maior integración paisaxística coa contorna, dando así resposta á demanda histórica da comunidade educativa que leva anos reclamando un edificio en condicións.

O novo edificio albergaría o comedor, con cociña propia, para o alumnado do centro, creando un espazo en condicións que favoreza unha alimentación saudable, coidando así a importancia da saúde, o medioambiente e o comercio local e de proximidade. Tamén contará con aulas de usos múltiples cun doble uso, para a comunidade educativa do Sanjurjo e para as entidades e colectivos do barrio, creando así un novo espazo que de cobertura ás necesidades socioeducativas e de participación de Monte Alto.

Distrito 10

CEIP Curros Enriquez: Arranxo do comedor e creación dun patio cuberto

  Sen comentarios  •  30/04/2019  •  nxfx

O CEIP Curros enríquez necesita un arranxo no comedor o cal está moi deteriorado e cubrir o patio para que os nenos podan sair a xogar e a facer actividades cando chova.

Esta poposta da cuberta leva en espera case dez anos.

Toda a cidade

Mais escolas de educación infantil

  Sen comentarios  •  29/04/2019  •  belensanchez

Aumentar o orzamento destinado a ampliar as unidades das escolas infantis de 0 a 3 anos dependentes do concello ou engadir máis concertos con EEI privadas.

Aula de Estudio Municipal
Toda a cidade

Creación dunha aula de estudio municipal

  3 comentarios  •  17/05/2019  •  Fernando S

Propoño a creación dunha aula de estudio municipal con horarios amplios e flexibles nalgunha das instalacións municipais existentes no centro. Actualmente existen duás aulas de estudio na cidade que pertencen a UDC, o CUR (Empresas) e o edificio Xoana Capdevielle. 

Este servizo ven a cumplimentar unha necesidade para as persoas non universitarias ( estudantes de FP, opositores, estudantes bacharelato etc,) que en épocas de exames da UDC non poden acceder as súas aulas de estudio xa que se precisa carnet universitario.

É certo que existen postos nas bibliotecas municipais, pero éstas non son un sitio ideal para os estudantes debido ao nivel de ruido existente. As propias bibliotecas se definen como "espazos abertos" nas que se poden realizar multiples actividades. Ademáis os postos soen ser insuficientes.

Cartel_Ludoteca.jpg
Distrito 6

Servicio ludoteca para favorecer a conciliación familiar no centro CC Castrillon

  Sen comentarios  •  20/05/2019  •  cocasina

Propoño no Centro Cívico do Castrillon un servizo de ludoteca similar ós ofrecidos noutros centros do municipio coma Mesoiro ou Palavea. O distrito 6 ten suficiente poboación infantil para xustificar a demanda deste servicio, no que se poderan ofrecer diversas actividades lúdicas e didácticas dirixidas por uns monitores especializados, habilitándose tamén un espazo con xogos de mesa e manualidades para os nenos no barrio. Na época estival poderáse utilizar para realizar as actividades dos Campamentos Urbanos Municiapais.

As propostas de actividades poderían ser: concertos, cursos de robótica ou outras tecnoloxías, obradoiros (Nadal, Samaín, Entrodo, etc.), xogos de pistas ou xincanas, e demáis actividades guiadas

Bebé chorando / Auga
Distrito 7

Que non chova dentro da escola (Arela) e que os bebés poidan saír ao patio

  Sen comentarios  •  16/05/2019  •  descentros

No interior da Escola Infantil Municipal Arela chove cada vez que chove na rúa (problema que se remonta a 2008). As claraboias están vellas e prodúcense filtracións cada vez mais frecuentes e abondosas nun espazo destinado acoller aos nosos nenos. 

Por outra banda, a escola conta cun patio exterior para os mais pequenos, ao que non poden saír en todo o ano porque non está acondicionado con caucho segundo a normativa. 

Tendo en conta este aspectos sería precisa una mellora integral das instalacións dunha escola senlleira que a pesar destas importantes carestías funciona de xeito excelente.