Instalación de puntos de luz no lugar de Cances
16/05/2019 • • Distrito 3
No lugar de Cances existen zonas moi oscuras ou en penumbra que contribúen á inseguridade cidadá pola tendencia a presenza de comportamentos incívicos e delictivos. Para evitar este comportamentos e incrementar a seguridade cidadá pódense instalar puntos de luz con boa intensidade lumínica e empregando luces respetuosas ambientalmente. Concretamente, sería precisa iluminación entre a fonte e o número 45 do lugar de Cances (zona moi cuberta por eucaliptos e moi oscura), colocar un punto de luz pegado ao muro do número 28 e antes do número 11.
ECOS DO SUR propón a compra dunha trituradora para a xestión de restos de podas
08/05/2019 • • Distrito 1
Co fin de xestionar correctamente restos de podas de árbores, setos e arbustos neste distrito 1 (distrito con cantidade de fincas con hortas, zonas verde e plantacións), sería de gran utilidade ambiental unha máquina trituradora portátil de polas e troncos de diversos tamaños. Esta máquina que sería de titularidade municipal e de uso público, podería empregarse para facer estruturante para engadir ao compost. Deste xeito faríase unha xestión de residuos orgánicos máis sostible e descentralizada que actualmente, evitando as queimas e incineracións nas fincas privadas e os traslados ao punto de limpo ou ao centro de xestión de residuos de Nostián.
A trituradora con rodas proponse que sexa de uso compartido entre persoas a título particular, entidades e asociacións que o soliciten polo procedemento que estipule o Concello.
Dotar de servizos mínimos as zonas ruráis da cidade
21/05/2019 • • Toda a cidade
O Foxo, Eirís de Arriba, Eirís de Abaixo, Curramontes, O Castaño, Pedralonga, Pedro Fernández, Palavea, Monte do Mero, Elviña, A Silva, A Moura, Marzán, Cances, A Fontaíña, Loureiro de Visla, San Cristovo, Penamoa, Martinete, As Revoltas...
Na cidade hai zonas ruráis habitadas, moitas paralizadas hai anos polos plans urbanísticos, nas que os sucesivos gobernos municipáis decidiron non invertir xa que, nalgún momento, as excavadoras se farían cargo de todo.
Poñer en valor a Coruña máis rural é mellorar a calidade de vida das persoas que as habitamos, que temos os mesmos dereitos que o resto da cidade.
Solicitamos que, como mínimo, se doten estas zonas de alguns bancos, se eliminen os puntos que carecen de alcantarillado, e se garantan puntos de luz no acceso ás vivendas. Alumeado en condicións, bancos, papeleiras, beirarrúas, alcantarillado,transporte público en condicións...