A Porta Aberta

Volver

Orzamentos participativos

Propostas de todos os ámbitos (toda a cidade e todos os distritos)

Hai 2 propostas de investimento clasificadas como 'museos' en todos os ámbitos

Xardíns colgantes de Le Havre (Francia)
Toda a cidade

Proxecto Xardín Botánico de Galicia

  3 comentarios  •  14/05/2018  •  smlebo

Os Museos Científicos son un dos emblemas da Coruña, aínda que poidan precisar dunha modernización e actualización. Pero xunto aos existentes, boto en falta un dedicado á riqueza da flora do país.

Por iso propoño o estudo do proxecto de creación do Xardín Botánico de Galicia. Un espazo onde se recollan e se explique as especies vexetais galegas (tanto de costa coma de interior) e que sirva tamén para a investigación. Tomando inspiración nos célebres ‘Xardíns colgantes’ de Le Havre (https://es.wikipedia.org/wiki/Jardins_suspendus_(Le_Havre)), situados nun forte na cima dun monte dende onde se domina a panorámica da cidade, proporía a súa localización no Monte de San Pedro, aínda que poderían estudarse outros lugares, coma os peiraos liberados do porto.

Propoño o estudo do proxecto posto que o orzamento non sería suficiente para a construción e posta en marcha do mesmo.

1.000.000 €
Toda a cidade

Continuación coas excavacións no Castro de Elviña

  Sen comentarios  •  01/05/2018  •  antoniogj

Rematou hai nada unha nova fase de excavación no Castro de Elviña, cun traballo que avanzou dun xeito moi satisfactorio. Agora sería unha pena que até dentro de moito tempo non se volvera a continuar, deixando así que a maleza e o paso do tempo boten a perder todo o acadado até agora. Pídese que o Castro de Elviña non se esqueza e que as excavacións continúen, xa que non podemos deixar pasar a oportunidade de seguir a traballar nun xacemento arqueolóxico tan preto da nosa cidade e que sen dúbida supón un privilexio. Da mesma maneira, solicítase que sexa aberto ao público para que se poda disfrutar por parte de todos os veciños e visitantes que desexen dar un paseo polo seu interior e coñecer de primeira man esta xoia da Historia.

423.500 €