Mellorar a zona axardinada existente tralos contedores soterrados da rúa Barreira (no cruzamento coa Estreita de San Andrés).

Aproveitar a medianeira que colinda con esta parcela para a creación dun xardín vertical nunha zona cun urbanismo duro.

Os nenos e nenas do Birloque, da Avenida de Glasgow e de Ponte da Pedra só dispoñen na súa contorna dun parque infantil na Praza de Agustín Díaz, no aparcadoiro do Complexo Deportivo de Elviña. Trátase dun parque con sombra e espacio pero que está nun estado  deficiente, co chan totalmente abombado e con xogos moi limitados. Tamén dispón dunha fonte pero non adaptada.

É unha mágoa que este parque estea infrautilizado dado que é un sitio idóneo para que os nenos desta zona poidan desfrutar con seguridade. Ademais, o parque tamén é empregado polos nenos e nenas que van ao Complexo de Elviña, polo que os potenciais usuarios dun parque renovado serían moitos.

Propoño que se renove o equipamento deste parque facéndoo máis axeitado para nenos e nenas de máis idades, arranxar o chan para evitar tropezós e instalar un bebedoiro que poidamos usar sen saír mollados como agora.

A freguesía de Elviña conserva unha importante rede viaria histórica que une diferentes núcleos da parroquia. Hoxe hai treitos que están fragmentados ou que forman parte de rúas.

A nosa proposta é ir recuperando ese viario histórico, formando unha rede cos camiños xa recuperados, rúas e camiños por acondicionar. Fundamentalmente o que se propón é que se sinalicen eses camiños e que se manteñan en boas condicións para o tránsito a pé.

Para esta proposta en concreto xuntamos un mapa cos camiños e rúas que unen Elviña, Castro, Penarredonda, As Revoltas, Palavea e Fontaíña.

La ciudad de Madrid ha creado un nuevo diseño de puntos limpios de proximidad con el fin de depositar, para su posterior reutilización y reciclaje, aceite vegetal usado, ropa y calzado usados, residuos de aparatos eléctricos y electrónicos de pequeño tamaño, pilas y baterías usadas, fluorescentes y bombillas de bajo consumo, cartuchos de tóner y aerosoles, radiografías, y CD's, DVD's y cintas de vídeo.

Propongo la creación de dichos puntos limpios y su situación en diversos lugares de la ciudad que tengan gran aflencia de personas como centros civicos o colegios, con el fin de facilitar y potenciar el reciclaje.

Xa está ben de desperdiciar monumentos! Temos que poñer en valor todo o que temos, e o Millenium non é un bo exemplo (como moitos outros). Xa é hora de mudar as luminarias que ten no seu interior por unhas con tecnoloxía led, para así poder iluminar este fermoso monumento pola noite e que non fique a escuras como sempre, cousa que dá moi mala imaxe á cidade... (Tamén cómpre facer algo cos terreos baleiros que hai diante).

Instalación para unha concesión dun quiosco/cafetería no parque de Eiris. A proposta está pensada para as inmediacions da zona do parque infantil de Eiris, cercana a unha futura estación de Bici coruña. Daría servizo os pais dos nenos do parque infantil que poderían usar tamén as mesas para merendar cercanas. Tamén poderian úsalo os pais que agarden polos nenos que adestren no campo de fútbol de Eiris. Na actualidade non existe posibilidade de ter estos servicios na zona e creo que podería ter moi boa acollida.