A miña proposta consiste en invertir o orzamento na realización todas as semanas de distintas actividades deportivas / creativas ou literarias para nenos e máis maiores. 

Tamén crear un parque infantil e unha zona de exercicios para maiores. 

Para chegar andando a rúa da Merced, todo son costas moi empinadas ou escaleiras, e se o xuntamos con que é un barrio con moita xente maior o aceso faise moi complicado. Polo que sería de gran axuda, instalar unhas escaleiras ou rampa mecánica por algun punto de acceso a rua, cómo por exemplo, nas escaleiras de codeco, ou na rua Laureano mediante, na avenida da concordia.....hai varios sitios por donde poderia ser factible.

É imprescindíbel proseguer a reurbanización como se fixo na rúa San Vicente para darlle continuidade á dita urbanización entre a praza de San Vicente e avenida dos Mallos (parte da rúa San Vicente), e se se pode, continuala cara ó final da rúa (ata o mercado)

Ampliar e mellorar  a beirarua  especialmente en sentido entrada, que moi estreita, e poñer arbores  na Avenida do Exercito

Actualmente a velocidade de circulación dos vehículos na Ronda de Nelle é moi elevada creando situacións de perigo e inseguridade, como se constatou no mapa do ruído recentemente presentado polo concello.

A proposta consiste na insatalación de dous radares fixos á altura do paso de peóns situado fronte o centro de estudios de Abanca en sentido baixada e á altura da rúa Sinforiano López sentido subida. 

Son moitas as liñas de bus Urbano que teñen parada na Avda de Oza a altura da fábrica de Tabacos. O feito de que a parada estea ao nivel do carril de circulación provoca retencións de tráfico que chegan a afectar ao cruce da Avda de Oza con Ramón y Cajal. Propoño construir unha nova parada de forma que non prexudique ao tráfico, estando lixeiramente cara dentro da beirarrúa

Mellorar  as beiraruas da Rolda de Outeiro da zona Gaiteira