Código proposta de investimento: 1482
O deseño actual das placas das rúas carece de personalidade alén de sermos a única cidade galega que mantén a denominación específica monolingüe en castelán, dándose aberracións como "Calle/ Rúa Puerta de Aires" ou "Calle/ Rúa Cruz Roja". Ademais, en non poucas ocasións, descoñécese quen foi a persoa homenaxeada ou a que fai referencia o nome da rúa. Así, cumpriría engadir unha breve información ó respecto ou a denominación antiga ("Rúa Juan Flórez. Antigo Camiño Novo").
A túa proposta non pasou á fase de votación e foi declarada INVIABLE por acadar menos de 80 apoios da cidadanía na fase de priorización, límite establecido para pasar á fase final de votación. Con todo, todas as propostas, tanto as viables como as inviables, son enviadas ás distintas Concellarías para que coñezan as demandas da cidadanía e poidan telas en conta no futuro. Animámoste igualmente a que participes nesta fase do 30 de agosto ao 17 de setembro, votando aquelas propostas que a cidade necesita, e a participar de novo na convocatoria de Orzamentos Participativos do vindeiro ano. Moitas grazas pola túa participación, que é fundamental para facer A Coruña que todas e todos queremos.