Cambiar as exposicións de xeito habitual é inviable, penso eu, está ben modernizar, pero para eso xa existen exposición temporais de fotos, caso da casa dos peixes, sesión novas no planetario da casa das ciencias, ou películas novas na casa do home, sempre hai algo novo por ver, ao igual que se vas ao museo de Belas Artes, a min gústame ir de cando en vez, ainda que sempre sexan os mesmos cadros, pero sempre teñen algunha exposición temporal, que ao igual que nos outros casos, fai que te achegues e volvas ver o que xa viches, que por ser coñecido, non deixa sempre de sorprender, ou de aprender de novo algo que esqueceras.

Tamén é unha opción interesante, estes días coa colaboración dos museos científicos xa se realizou, outro ano máis, do 15 a 17 de Maio "Pint of Science" onde se explica ciencia nos bares. Quizáis se poderían repetir estas iniciativas en verán nas praias, por poñer un exemplo, pero penso que o primeiro contacto que moitos rapaces teñen cos museos e a ciencia en "vivo" é nas visitas escolares aos museos e por o tanto, penso que hai que estimulalos para que lles chame a atención e teñan ganas de voltar e curiosear.